रसुवाको बाढीले चितवनमा वितण्डा : नारायणगढ क्षेत्रमा ३७ सहित ५३ शव फेला

चितवन ।

रसुवाको भोटेकोशी नदीमा तिब्बततर्फबाट आएको विनाशकारी बाढी त्रिशूली हुँदै चितवनसम्म आइपुग्दा जिल्लामा ठूलो मानवीय क्षतिको संकेत देखिएको छ। बाढीको बहाव तल्लो तटीय क्षेत्रमा पुगेसँगै नारायणी र त्रिशूली नदी आसपासका विभिन्न स्थानमा शव फेला पर्न थालेका छन्। बुधबार राति ८ः३० बजेसम्म चितवनमा मात्रै ५३ वटा शव फेला परेको जिल्ला प्रहरी कार्यालय चितवनका प्रमुख प्रहरी उपरीक्षक रामेश्वर पौडेलले जानकारी दिनुभएको छ।