उदयपुरगढीमा सतप्रतिशत पुँजीगत बजेट खर्च

चालु आर्थिक वर्ष २०८२/८३ को अन्तिम महिना असार मसान्त (साल तमामी) सकिन लागेको छ। असार २५ गते मध्यरातिदेखि महालेखा नियन्त्रक कार्यालयले नियन्त्रित स्थानीय तहहरूको आर्थिक कारोबार गर्ने बैंक खाता (सुत्र) बन्द गरेको छ।

त्यो अवधिसम्म अधिकांश स्थानीय तहले विगतका वर्षझैँ चालु आर्थिक वर्षमा पनि पुँजीगत बजेट पूर्ण रूपमा खर्च गर्न सकेका छैनन्। साल तमामी नजिकिएपछि हतारमा काम गर्ने, रातारात बिल पेस गर्ने, अनुगमन तथा मूल्याङ्कनसँगै भुक्तानी गर्ने चटारोबीच सुत्र बन्द हुँदा पुँजीगत खर्च शतप्रतिशत गर्न नसकिएको लेखा कर्मचारीहरूको अनुभव छ।