मार्कीचोक–भरतपुर २२० केभी प्रसारण लाइनको पहिलो सर्किट सञ्चालनमा,  राष्ट्रिय प्रसारण प्रणाली थप सुदृढ

काठमाडौँ । मर्स्याङ्दी करिडोर २२० केभी प्रसारण लाइन आयोजनाअन्तर्गतको मार्कीचोक–भरतपुर खण्डको पहिलो सर्किट सफलतापूर्वक सञ्चालनमा आएको छ।

असार २५ गते राति १०:३५ बजे नो–लोडमा २२० केभी चार्ज गरी परीक्षण सम्पन्न गरिएको उक्त प्रसारण लाइनमार्फत असार २७ गतेदेखि नियमित रूपमा विद्युत् प्रवाह सुरु भएको छ। हाल यस लाइनबाट करिब ८० मेगावाट विद्युत् राष्ट्रिय प्रसारण प्रणालीमा प्रवाह भइरहेको नेपाल विद्युत् प्राधिकरणले जनाएको छ।