एमसीए नेपालद्वारा २९७ किलोमिटर प्रसारण लाइन तथा सबस्टेसन निर्माणको शिलान्यास

काठमाडौँ- एमसीए नेपालले बुधबार मिलेनियम च्यालेन्ज कर्पोरेसन (एमसीसी) नेपाल कम्प्याक्टअन्तर्गत विद्युत् प्रसारण परियोजनाको रतमाटे सबस्टेसन, न्यू दमौली सबस्टेसन तथा २९७ किलोमिटर लामो प्रसारण लाइन निर्माण कार्यको शिलान्यास गरेको छ।

संयुक्त राज्य अमेरिकाको ५५० मिलियन अमेरिकी डलर अनुदान र नेपाल सरकारको १९७ मिलियन अमेरिकी डलर लगानीमा सञ्चालन भएको यो परियोजनाले अन्तर्राष्ट्रियस्तरको विद्युत् प्रसारण पूर्वाधार निर्माण तथा सडक सञ्जाल सुधार गर्ने लक्ष्य राखेको छ।