विपद् व्यवस्थापनमा नयाँ सोच र प्रभावकारी संयन्त्र आवश्यक: सभामुख अर्याल

प्रतिनिधि सभाका सभामुख डोलप्रसाद अर्यालले भोटेकोशी विपत्तिले नेपालको विपद् व्यवस्थापन प्रणालीलाई थप प्रभावकारी, वैज्ञानिक र प्रविधिमैत्री बनाउनुपर्ने आवश्यकता औँल्याएका छन्।

विपद् आएपछि उद्धार र राहतमा मात्रै केन्द्रित हुनेभन्दा सम्भावित जोखिमको पहिचान, नियमित अनुगमन, पूर्वसूचना प्रणालीको विकास र तत्काल प्रतिकार्यका लागि आवश्यक संरचना निर्माणमा सरकारले विशेष प्राथमिकता दिनुपर्ने उनले बताएका छन्।