बाढीमा चेक र एटीएम कार्ड गुमाएकालाई सहज बैंकिङ सेवा दिन राष्ट्र बैंकको निर्देशन

भोटेकोशी बाढी लगायतका प्राकृतिक विपद्‌मा परी चेक, एटीएम कार्ड, मोबाइल र अन्य आवश्यक कागजात गुमाएका पीडितलाई सहज रूपमा बैंकिङ सेवा उपलब्ध गराउन नेपाल राष्ट्र बैंकले निर्देशन दिएको छ।

राष्ट्र बैंकको बैंक तथा वित्तीय संस्था नियमन विभागले मङ्गलबार एक सूचना जारी गर्दै सम्पूर्ण बैंक तथा वित्तीय संस्थालाई विपद्पीडित ग्राहकको पहिचान यकिन गरी तत्काल आवश्यक सहजीकरण गर्न भनेको हो।