विद्युत् नियमन आयोगले दैवी प्रकोप उद्धार कोषमा दियो एक करोड

१७ भदौ, काठमाडौं । भोटेकोशी बाढीबाट प्रभावित नागरिकको उद्धार तथा राहतका लागि विद्युत् नियमन आयोगले प्रधानमन्त्री दैवी प्रकोप उद्धार कोषमा एक करोड रुपैयाँ सहयोग गरेको छ ।

आयोगले ऊर्जा, जलस्रोत तथा सिँचाइमन्त्री विराजभक्त श्रेष्ठमार्फत कोषमा एक करोड रुपैयाँको चेक हस्तान्तरण गरेको हो । आयोगका अनुसार उक्त रकम उद्धार, राहत, पुनर्स्थापना तथा प्रभावित नागरिकको सहयोगसम्बन्धी कार्यक्रममा प्रयोग हुनेछ ।