हर्मुज हुँदै २० हजार टन ग्यास बोकेको ट्याङ्कर गुजरात आइपुग्यो

पश्चिम एसियामा जारी भीषण युद्ध र बढ्दो तनावका बीच करिब २० हजार टन खाना पकाउने ग्यास बोकेको ट्याङ्कर भारतको गुजरातस्थित कान्डला बन्दरगाहमा आइपुगेको छ।

मार्शल टापुको ध्वजाबाहक उक्त एलपीजी ट्याङ्करले अत्यन्त संवेदनशील मानिने हर्मुज जलडमरुमध्य पार गर्दै सुरक्षित रूपमा यात्रा पूरा गरेको हो। भारतीय आयल कर्पोरेसन (आईओसी) ले कतारको रास लाफान टर्मिनलबाट ग्यास खरिद गरेको बताइएको छ।