भोटेकोसी र त्रिशूलीको बहाव सतर्कता तहभन्दा तल, उच्च सतर्कता भने कायमै

काठमाडौं ।

हिजो आएको विनाशकारी बाढीपछि भोटेकोसी र त्रिशूली नदीको बहाव अहिले सतर्कता तहभन्दा तल झरेको छ। यद्यपि, बाढीको जोखिम पूर्ण रूपमा नटरेकाले यी नदी आसपासका क्षेत्रमा अझै उच्च सतर्कता अपनाउनुपर्ने देखिएको छ। बाढी पूर्वानुमान महाशाखाले आज बिहान ८ बजे जारी गरेको बाढी पूर्वानुमान बुलेटिनअनुसार कोसी, नारायणी, वाग्मती, कर्णाली र महाकाली तथा तिनका प्रमुख सहायक नदीहरूको बहाव पनि हाल सतर्कता तहभन्दा तल रहेको छ।