ऐतिहासिक प्रतिद्वन्द्विताको नयाँ अध्याय

उत्तरी अमेरिकी राष्ट्रमा भइरहेको फिफा विश्वकपको २३औं संस्करणले विजेता पाउने संघारमा पुस्तौंदेखिको प्रतिद्वन्द्विता एकपटक फेरि सबैभन्दा ठूलो मञ्चमा दोहोरिँदै छ।

पहिलोपल्ट ४८ राष्ट्र सहभागी यस विश्वकपमा आइतबार सेमिफाइनल समीकरण पूरा भइसकेका छन्, जहाँ दक्षिण अमेरिकाको एउटा र तीनवटा युरोपेली राष्ट्र पुगे। अमेरिकामा आइतबार बिहान अर्जेन्टिनाले स्विट्जरल्यान्डलाई ३–१ र इङ्ल्यान्डले नर्वेलाई २–१ उपाधिनजिक पुगेका छन्। विश्वकप फाइनल पुग्ने लक्ष्यसहित इङ्ल्यान्ड र अर्जेन्टिना बुधबार अमेरिकाको एटलान्टा सहरमा आमनेसामने हुँदै छन्। विश्व फुटबलका लागि यो एउटा सेमिफाइनल खेलमा सीमित बन्ने छैन। इतिहास, भावना, राजनीति र अविस्मरणीय क्षणहरूले भरिएको अर्को अध्याय पनि हुनेछ। विश्वविजेता अर्जेन्टिनाका कप्तान लियोनल मेसीले आफ्नो करियरमा पहिलोपल्ट विश्वकपमा इङ्ल्यान्डविरुद्ध खेल्दै छन्।