विश्वकपमा ६४ टोलीलाई सहभागी गराउने फिफाको सोच

फिफाका अध्यक्ष जियानी इन्फान्टिनोले सन् २०३० को विश्वकपमा सहभागी टोलीको संख्या बढाएर ६४ पुर्‍याउने विषयमा छलफल गरिने बताएका छन्। यसअघि सन् १९९८ देखि २०२२ सम्म ३२ टोलीले खेल्ने गरेकोमा, सन् २०२६ को विश्वकपका लागि टोली संख्या बढाएर ४८ पुर्‍याइएको थियो।

सन् २०३० को विश्वकप तीनवटा महादेशका ६ वटा देशहरूमा आयोजना हुने तय भएको छ। प्रतियोगिताको सुरुवाती तीन खेलहरू दक्षिण अमेरिकाका उरुग्वे, अर्जेन्टिना र पाराग्वेमा हुनेछन्। बाँकी खेलहरू भने मोरक्को, पोर्चुगल र स्पेनमा खेलाइनेछ।