कर्रा खोलाको बाढीले खाली ट्रक बगायो, चालक पौडिएर ज्यान जोगाउन सफल

मकवानपुरको हेटौंडा उपमहानगरपालिका–१७ हटियास्थित शिवम् सिमेन्ट फ्याक्ट्री नजिक कर्रा खोलामा आएको बाढीले सोमबार बिहान एउटा खाली ट्रक बगाएको छ।

बिहान करिब ७:४५ बजे खोलामा आएको बाढीका कारण ह्युम पाइप राखेर बनाइएको कल्भर्ट (लच्का) माथिबाट पानीको बहाव बढ्दा सिमेन्ट फ्याक्ट्रीबाट ढुंगा अनलोड गरेर फर्किरहेको ना ७ ख ७६५ नम्बरको १२ चक्के आइचर ट्रक बगाएको प्रहरीले जनाएको छ।