जिल्लामै अब्बल जनज्योतिः निजी विद्यालय छाडेर सामुदायिक रोज्दै अभिभावक

कैलाली । घोडाघोडी नगरपालिका–१, सुखडका दीपेन्द्र सुवेदीले २०६१ सालमा जनज्योति विद्यालयमा कक्षा ३ सम्म अध्यापन गराउन सुरु गरेका थिए। मासिक ३०० रुपैयाँ पारिश्रमिकमा आफ्नै घर नजिकको सामुदायिक विद्यालयमा पढाउन थालेका उनलाई धेरैले ‘टोड्के स्कुलको टिचर’ भनेर समेत गिज्याउने गर्थे। त्यो बेला विद्यालयमा कक्षा ३ सम्म मात्रै पढाइ हुन्थ्यो। पछि विद्यालय प्राथमिक हुँदै क्रमशः विस्तार भएर अहिले कक्षा १० सम्मको अध्ययन–अध्यापन भइरहेको छ।

कक्षा ३ सम्मका विद्यार्थीलाई मासिक ३०० रुपैयाँमा शिक्षाको ज्योति बाँडिरहेका ती सुवेदी अहिले सोही विद्यालयका प्रधानाध्यापक छन्। २०७८ सालदेखि प्रधानाध्यापकको जिम्मेवारी सम्हालेपछि विद्यालयले उल्लेखनीय परिवर्तनको यात्रा सुरु गरेको छ।