जनता एग्रोमा पाँच करोड संस्थागत लगानी थपिँदै

प्रारम्भिक सार्वजनिक निष्कासन (आइपिओ) जारी गर्ने तयारीमा रहेको जनता एग्रो एन्ड फरेस्ट्री लिमिटेडले संस्थागत लगानी भित्र्याउने र पुँजी संरचना पुनः निर्धारण गर्ने निर्णय गरेको छ। शुक्रबार काठमाडौंमा सम्पन्न कम्पनीको विशेष साधारणसभाले संस्थागत लगानीकर्ताको प्रस्ताव स्वीकृत गर्दै पुँजी पुनः निर्धारण गर्ने निर्णय गरेको हो।

विशेष साधारणसभाले पिपुल्स हाइड्रोपावर कम्पनी लिमिटेड र समिट इनर्जी सोलुसन प्रालिलाई संस्थापक सेयरतर्फ जगेडामा रहेको सेयरमध्ये प्रतिकित्ता १२५ रुपैयाँका दरले २÷२ लाख कित्ता सेयर दिने प्रस्ताव पारित गरेको छ। यससँगै जनता एग्रोमा यी दुई संस्थागत लगानीकर्ताको कुल पाँच करोड रुपैयाँ बराबरको लगानी रहने भएको छ।