कतारमा 'डाइरेक्ट हायर' भन्दै फेसबुकमा भ्रामक विज्ञापन गरी अनलाइन ठगी, ४ बंगलादेशी र एक नेपाली पक्राउ

काठमाडौं । नेपाल प्रहरीको साइबर ब्युरोले फेसबुकमा आकर्षक रोजगारीको प्रलोभन देखाएर अनलाइन ठगी तथा अवैध क्रिप्टो कारोबारमा संलग्न रहेको आरोपमा एक नेपालीसहित पाँच जनालाई पक्राउ गरेको छ । पक्राउ पर्नेमा महोत्तरी, रामगोपालपुर नगरपालिका-९ घर भई हाल काठमाडौंको कोटेश्वर बस्ने २१ वर्षीय सुभाष कुमार मण्डल र अन्य ४ जना बंगलादेशी नागरिकहरू रहेका छन् ।

बंगलादेशका २५ वर्षीय एमडी जुबाएर अहमेद, २६ वर्षीय एमडी नुर अलोम, २४ वर्षीय एमडी नासिम मिया र २७ वर्षीय एमडी रानी कमल पक्राउ परेका हुन् ।