आदिकविको प्रेरणाबाट राष्ट्रिय एकता सुदृढ बनाउन कांग्रेस नेता आङदेम्बेको आह्वान

काठमाडौँ । नेपाली कांग्रेस संसदीय दलका नेता भीष्मराज आङदेम्बेले आदिकवि भानुभक्त आचार्यको २१३औँ जन्मजयन्तीका अवसरमा स्वदेश तथा विदेशमा रहेका सम्पूर्ण नेपालीमा हार्दिक शुभकामना व्यक्त गरेका छन् ।

उनले आदिकविको आदर्श, सिर्जनशीलता र समाजसेवाको भावनाबाट प्रेरणा लिँदै भाषिक विविधताको सम्मान, साहित्यिक समृद्धि, सांस्कृतिक सहअस्तित्व र राष्ट्रिय एकतालाई अझ सुदृढ बनाउन सामूहिक प्रतिबद्धताका लागि आह्वान गरेका हुन् ।