विकास योजनाको प्रगतिबारे योजना आयोगसँग लिखित जवाफ माग

काठमाडौँ । राष्ट्रिय योजना आयोगको कार्यसम्पादन, विकास आयोजनाको सुस्त प्रगति र योजनाको प्रभावकारितामाथि प्रश्न उठिरहेका बेला प्रतिनिधिसभाअन्तर्गतको अर्थ समितिले आयोगसँग विस्तृत जवाफ मागेको छ। सोमबार बसेको समितिको बैठकले आयोगलाई १० दिनभित्र लिखित विवरण पेश गर्न निर्देशन दिएको हो।

बैठकमा राष्ट्रिय योजना आयोगका उपाध्यक्ष डा. गुणाकर भट्टले समितिबाट उठाइएका सबै प्रश्नको लिखित जवाफ निर्धारित समयभित्र उपलब्ध गराइने प्रतिबद्धता जनाए।