केन्द्रीय सर्भरमा प्राविधिक समस्या, देशभरका यातायात कार्यालयमा लाइसेन्स सम्बन्धी सेवा प्रभावित

काठमाडौँ । यातायात व्यवस्था विभागको केन्द्रीय सर्भर प्रणालीमा आएको प्राविधिक गडबडीका कारण देशभरका यातायात व्यवस्था कार्यालयहरूमा सवारी चालक अनुमतिपत्र (लाइसेन्स) सम्बन्धी सम्पूर्ण सेवाहरू ठप्प भएका छन् ।

विभागको केन्द्रीय ‘इलेक्ट्रोनिक ड्राइभिङ लाइसेन्स एन्ड भेहिकल रजिस्ट्रेसन सिस्टम’ (ईडीएलभीआरएस) सर्भरमा प्राविधिक समस्या देखिएपछि सङ्घीय राजधानी काठमाडौँसहित देशका विभिन्न प्रदेशका यातायात कार्यालयहरूले आकस्मिक सूचना जारी गर्दै सेवा स्थगित गरेका हुन् ।