धरपकडबारे आयोगको मौनताप्रति चरण प्रसाईंको आक्रोश

२९ असार, काठमाडौं । अधिकारकर्मी चरण प्रसाईंले सार्वजनिक विदाका कारण मानव अधिकार आयोगले सुकुमवासी र उनीहरूको पक्षमा प्रदर्शन गरेका आन्दोलनकारीहरूमाथिको धरपकड र ज्यादतीको अनुगमन गर्न नसकेको भन्दै व्यंग्य गरेका छन् ।

प्रदर्शनको क्रममा प्रहरीले गरेको हुलहुज्जत र लछारपछारबाट घाइते भएका माजिद अन्सारीलाई भेटेपछि प्रसाईंले फेसबुकमा लेखेका छन्, ‘यो घटनाक्रममा राष्ट्रिय मानव अधिकार आयोग छुट्टामा रहेकाले उपस्थित हुन नसकेको भन्ने समाचारले जो कोहीलाई स्तब्ध बनाउनु स्वभाविक छ ।’