ब्रेकअपपछि पूर्वप्रेमिकाकै फेसबुक आईडीबाट अश्लील फोटो-भिडिओ राख्ने युवक पक्राउ

काठमाडौं । प्रेमिकासँग बिछोड (ब्रेकअप) भएपछि उनको चरित्रहत्या गर्ने उद्देश्यले अश्लील सामग्री सामाजिक सञ्जालमा पोस्ट गर्ने एक युवक पक्राउ परेका छन् । नेपाल प्रहरीको साइबर ब्युरोले ओखलढुङ्गा चम्पादेवी गाउँपालिका वडा नं. ६ स्थायी घर भई हाल काठमाडौं बस्ने २४ वर्षीय सरोज कार्कीलाई पक्राउ गरेको हो ।

ब्युरोका अनुसार कार्कीले पीडित युवतीको फेसबुक आईडी प्रयोग गरी अश्लील सामग्रीहरू पोस्ट गरेर उनलाई दुःख हैरानी र मानसिक तनाव दिने गरेका थिए । उनीहरू अध्ययनको सिलसिलामा चिनजान भई केही समयअघिसम्म प्रेम सम्बन्धमा रहेको खुलेको छ ।