यातायात विभागको प्राविधिक समस्याले लाइसेन्स सेवा प्रभावित, नयाँ आवेदनदेखि नवीकरणसम्मका काम रोकियो

काठमाडौं । यातायात व्यवस्था विभागको केन्द्रीय प्रणालीमा देखिएको प्राविधिक समस्याका कारण देशभरका यातायात कार्यालयबाट प्रदान गरिने अधिकांश सवारी चालक अनुमतिपत्र (लाइसेन्स) सम्बन्धी सेवा प्रभावित भएका छन् ।

विभागका अनुसार, गत शुक्रबारदेखि इलेक्ट्रोनिक ड्राइभिङ लाइसेन्स तथा सवारी अभिलेख प्रणाली (EDLVRS) सञ्चालनमा समस्या देखिएपछि नयाँ लाइसेन्सका लागि आवेदन दर्ता, बायोमेट्रिक विवरण संकलन, राजस्व भुक्तानी, वर्ग थप तथा नवीकरणजस्ता सेवा अस्थायी रूपमा रोकिएका हुन् ।