दूरसञ्चार प्राधिकरणको अध्यक्षमा अर्जुन घिमिरे नियुक्त, ढिलो गरी सूचना सार्वजनिक

काठमाडौं । नेपाल दूरसञ्चार प्राधिकरणको अध्यक्षमा अर्जुन घिमिरे नियुक्त भएका छन् । उनी प्राधिकरणमै कार्यरत वरिष्ठ कर्मचारी थिए । सरकारले अध्यादेश ल्याएर भूपेन्द्र भण्डारीलाई अध्यक्षबाट पदमुक्त गरेपछि घिमिरेले निमित्त प्रमुख कार्यकारीको जिम्मेवारी निर्वाह गर्दै आएका थिए ।

पछिल्लो मन्त्रिपरिषद् बैठकबाट घिमिरेको नियुक्ति भए पनि सो कुरालाई गोप्य राखिएकोमा आज मात्रै सार्वजनिक गरिएको हो । आजै घिमिरेको शपथ सूचना तथा सञ्चार मन्त्रालयमा भएको छ । घिमिरे प्राधिकरणमा लामो समयदेखि आर्थिक विश्लेषण तथा उपभोक्ता हित संरक्षण शाखामा क्रियाशिल थिए । उनी निकै ध्रुत कर्मचारीको रुपमा चिनिदै आएका थिए ।