भानुजयन्ती नेपाली भाषा र साझा पहिचानको उत्सव : सिक्किमका मुख्यमन्त्री तामाङ

काठमाडौँ- सिक्किमका मुख्यमन्त्री प्रेमसिंह तामाङ (गोले) ले भानुजयन्ती आदिकवि भानुभक्त आचार्यको जन्मजयन्तीको स्मरण मात्र नभई नेपाली भाषा, साहित्य, संस्कृति र साझा पहिचानको उत्सव भएको बताएका छन्।

सोरेंङ जिल्लामा आयोजित २१२औँ भानुजयन्तीको राज्यस्तरीय समारोहलाई सम्बोधन गर्दै मुख्यमन्त्री तामाङले आदिकवि भानुभक्तको साहित्यिक योगदानले नेपाली भाषालाई जनभावना अभिव्यक्त गर्ने, सपना देख्ने र सांस्कृतिक सम्पदा संरक्षण गर्ने सशक्त माध्यमका रूपमा स्थापित गरेको बताए।