घर बलियो भए सदन पनि बलियो हुन्छ: भीष्मराज आङदेम्बे

नेपाली कांग्रेस संसदीय दलका नेता भीष्मराज आङदेम्बेले पार्टीभित्र सशक्त बहस र बलियो आवाज उठ्न सके संसद्को भूमिका पनि थप प्रभावकारी बन्ने बताएका छन्। उनले पार्टी संगठन सुदृढ भए संसदीय गतिविधि पनि स्वाभाविक रूपमा सशक्त हुने धारणा व्यक्त गरे।

सोमबार बसेको नेपाली कांग्रेस संसदीय दलको बैठकलाई सम्बोधन गर्दै आङदेम्बेले “घर बलियो भए सदन पनि बलियो हुन्छ” भन्दै पार्टीभित्रकै ऊर्जा, विवेक र विचारले संसद्को प्रभावकारिता निर्धारण गर्ने बताए।