१८ वर्षपछि चेन्नई सुपर किंग्सबाट अलग भए फ्लेमिङ

मुम्बई । इन्डियन प्रिमियर लिग ९आईपीएल० को सबैभन्दा सफल टोली चेन्नई सुपर किंग्स (सीएसके) र मुख्य प्रशिक्षक स्टिफन फ्लेमिङबिचको १८ वर्ष पुरानो सहकार्य समाप्त भएको छ । फ्रेन्चाइजीले सोमबार सामाजिक सञ्जालमार्फत यसको औपचारिक जानकारी दिएको हो ।

चेन्नईले सामाजिक सञ्जाल एक्समा लेखेको छ, ‘हामीले आपसी सहमतिमा छुट्टिने निर्णय गरेका छौँ । हामीले आईपीएल इतिहासकै सबैभन्दा सफल र लामो समयसम्म टिकेको साझेदारीमध्ये एक अनुभव साटासाट गर्‍यौँ । तपाईंले निर्माण गर्नुभएको विरासतले हामीलाई सधैँ प्रेरित गरिरहनेछ । हार्दिक सम्मान र कृतज्ञताका साथ, धन्यवाद स्टिफन ।’