सञ्चारगृह अगाडि पार्क गरिएका गाडीको मालिक खुल्यो; सरकार समर्थित समूहको चलखेल भएको आशङ्का

काठमाडौं। राजधानीका तीन प्रमुख सञ्चारमाध्यम—कान्तिपुर पब्लिकेशन, अनलाइनखबर र हिमालय टेलिभिजन—का कार्यालयअगाडि सोमबार बिहान शंकास्पद रूपमा पार्क गरिएका तीन वटा गाडीको मालिक पहिचान भएको छ। गाडी कसले र किन त्यहाँ राख्यो भन्ने विषयमा भने प्रहरीले अनुसन्धान अघि बढाएको छ।

यातायात व्यवस्था विभागको विवरणअनुसार, कान्तिपुर पब्लिकेशनअगाडि पार्क गरिएको बा. प्रदेश–०१–०३४ च ८४८० नम्बरको गाडी पाँच दिनअघि मात्रै सानिमा बैंकबाट ऋण लिएर एसटी मोटर्सले नामसारी गरेको खुलेको छ।