कांग्रेसकाे माग- कुन उद्देश्यले मिडियाको गेटमा गाडी पार्किङ गरियो ? छानबिन गरियोस्

काठमाडौँ । नेपाली नेपाली कांग्रेसकी प्रमुख सचेतक वासना थापाले सञ्चारमाध्यमका मुख्य गेटमा सवारी साधन पार्किङ गरिएको घटनाको छानबिनको माग गरेकी छन् । कुन उद्देश्यले मिडियाको कार्यालय अगाडि गाडी पार्किङ गरियो ? त्यसको छानबिन हुनुपर्ने उनको भनाइ छ ।

‘शहरका सडकमा अव्यवस्थित पार्किङ समस्याको रूपमा छ। तर, आज सञ्चारमाध्यमका मुख्य गेटमा सवारी साधन पार्किङ गरिएको घटनापछि केही स्वाभाविक प्रश्नहरू उठेका छन् । उक्त सवारीसाधन त्यहीँ किन र कसले पार्क गर्‍यो ?’, उनले प्रश्न गरेकी छन्, ‘यो केवल संयोग थियो, वा यसको पछाडि कुनै उद्देश्य थियो? यदि उद्देश्य थिएन भने मिडिया संस्थाहरू प्रत्यक्ष प्रभावित हुने स्थान नै किन रोजियो ?’