आत्मदाह गरेका गणेश नेपालीको पाँच दिनपछि पशुपति आर्यघाटमा अन्त्येष्टि

काठमाडौं । आत्मदाह गरेका गणेश नेपालीको सोमबार पशुपति आर्यघाटमा अन्त्येष्टि गरिएको छ । परिवारका सदस्य, आफन्त, शुभेच्छुक तथा विभिन्न क्षेत्रका व्यक्तिहरूको उपस्थितिमा धार्मिक परम्पराअनुसार उनको अन्त्येष्टि गरिएको हो ।

बिहीबार राहदानी विभाग अगाडि आत्मदाहको प्रयास गरेका नेपालीको उपचारको क्रममा शुक्रबार वीर अस्पतालमा मृत्यु भएको थियो । उक्त घटनाले देशभर व्यापक चर्चा र चासो उत्पन्न गरेको छ भने आत्मदाहसम्म पुग्नुपर्ने अवस्था किन सिर्जना भयो भन्ने विषयमा विभिन्न तहमा बहस भइरहेको छ।