बालयौन दुर्व्यवहार आरोपमा प्रधानाध्यापक पक्राउ

पोखरा । बालयौन दुर्व्यवहारको आरोपमा पोखराका एक प्रधानाध्यापक पक्राउ परेका छन् । पोखरा–१२ स्थित सरस्वती आधारभूत विद्यालयका प्रधानाध्यापक रुद्र रानाभाटलाई उजुरीका आधारमा सोमबार प्रहरीले पक्राउ गरेको हो ।

उनलाई कास्की जिल्ला अदालतबाट ४ दिनको म्याद थप गरी अनुसन्धान भइरहेको कास्की प्रहरीका सूचना अधिकारी डिएसपी वीरेन्द्र पासवानले जानकारी दिए ।