गण्डकी सरकारको बजेटखर्च ६४ प्रतिशतमै सीमित

पोखरा। गण्डकी प्रदेश सरकारले चालु आर्थिक वर्ष ०८२/८३ मा कुल विनियोजित बजेटको ६४.२६ प्रतिशत मात्रै खर्च गरेको छ। प्रदेश स्थापना भएयताका पछिल्ला वर्षहरूको तुलनामा यो खर्च प्रगति कमजोर देखिएको छ।

प्रदेश सरकारले चालु वर्षका लागि ३२ अर्ब ६ करोड ८ लाख ३५ हजार रुपैयाँको बजेट कार्यान्वयनमा ल्याएको थियो। त्यसमध्ये २० अर्ब ६० करोड ५० लाख ६५ हजार ९७८ रुपैयाँ खर्च भएको प्रदेश लेखा नियन्त्रक कार्यालयले जनाएको छ।