‘नक्कली जरिवाना’ भाइरल भएपछि विभागले दियो कारबाहीको चेतावनी

काठमाडौँ । यातायात व्यवस्था विभागले सामाजिक सञ्जालमा भाइरल भइरहेको ट्राफिक जरिवाना सम्बन्धी नयाँ दररेटको पर्चा नक्कली भएको जनाएको छ । विभागले साेमबार एक सूचना जारी गर्दै यस्ता भ्रामक सामग्रीको विश्वास नगर्न अपिल गरेको हो।

पछिल्लो समय सामाजिक सञ्जालमा ‘मोटर यातायात तथा ट्राफिक नियमावली २०७४’ बमोजिम भन्दै ट्राफिक जरिवानाका दररेटहरु उल्लेख गरिएको पर्चा यातायात व्यवस्था विभागको नामबाट जारी भएको भन्दै भाइरल भइरहेको छ ।