कान्तिपुरअघि राखिएको गाडी रास्वपा कार्यकर्ताको

विभिन्न सञ्चारगृहको प्रवेशद्वार अगाडि शंकास्पद रूपमा सवारीसाधन पार्क गरिएको घटनाको अनुसन्धानका क्रममा कान्तिपुर मिडिया ग्रुपको गेटअघि राखिएको गाडी राष्ट्रिय स्वतन्त्र पार्टी (रास्वपा) का एक कार्यकर्तासँग जोडिएको खुलेको छ।

सोमबार बिहान कान्तिपुर मिडिया ग्रुप, अनलाइनखबर, हिमालयन टेलिभिजन, भाटभटेनी सुपरमार्केट र कांग्रेस सभापति गगन थापाको घर अगाडि सवारी आवागमन नै प्रभावित हुने गरी गाडी पार्क गरिएपछि सुरक्षा निकाय र सञ्चार क्षेत्रको ध्यानाकर्षण भएको थियो।