भारत, इजरायल र युरोपलाई जोड्ने आर्थिक करिडोर : मध्यपूर्वको सबैभन्दा ठूलो तर ओझेलमा परेको रणनीतिक कथा

काठमाडौं– भारत, मध्यपूर्व र युरोपलाई जोड्ने बहुप्रतिक्षित आर्थिक करिडोर वर्तमान समयमा भूराजनीतिक बहसको केन्द्रमा रहेको छ। यद्यपि यस करिडोरलाई लिएर विभिन्न कोणबाट चर्चा हुने गरे पनि यसको सबभन्दा महत्त्वपूर्ण र रणनीतिक पक्ष-विशेष गरी भारत र इजरायलबीचको सीधा आर्थिक तथा भौतिक जोडिाइ-अझै पनि ठूलो हदसम्म ओझेलमा परेको छ।

केही वर्षअघि नयाँदिल्लीमा आयोजित बीस राष्ट्रहरूको समूह (जी-२०) शिखर सम्मेलनको क्रममा औपचारिक रूपमा घोषणा गरिएको यो बहुपक्षीय परियोजनाले एसिया, खाडी मुलुक र युरोपलाई रेल्वे, बन्दरगाह, ऊर्जा ग्रिड र अप्टिकल फाइबर केबलहरूमार्फत जोड्ने लक्ष्य राखेको छ। यसको मूल परिकल्पनाअनुसार भारतबाट हिँडेका मालसामानहरू अरब प्रायद्वीप, साउदी अरेबिया र जोर्डन हुँदै इजरायलको हाइफा बन्दरगाहसम्म पुग्ने र त्यहाँबाट युरोपका बजारहरूसँग जोडिनेछन्।