कर्णालीमा निःशुल्क मृर्गौला प्रत्यारोपण

कर्णाली प्रदेश अस्पतालले निःशुल्क मृर्गौला प्रत्यारोपण सेवा सुरु गरेको छ । हालै सुर्खेत र कञ्चनपुरका एक–एक जनाको निःशुल्क मृगौंला प्रत्यारोपण गरिएको अस्पतालले जनाएको छ । प्रदेश सरकारसँगको सहकार्यमा निःशुल्क मृर्गौला प्रत्यारोपण गरिएको जनरल सर्जन डा. विकाश खड्काले जानकारी दिए ।

डा. खड्काले हालै शहीद धर्मभक्त राष्ट्रिय प्रत्यारोपण केन्द्रबाट एक वर्षे सर्जरी फेलोसिप कोर्ष पूरा गरेर आएपछि यो वर्ष पहिलोपटक मृर्गौला प्रत्यारोपण गरिएको हो । मृर्गौला प्रत्यारोपणका लागि सामान्यतया सातदेखि आठ लाख रुपैयाँ खर्च हुन्छ । असार २३ गते मृर्गौला प्रत्यारोपण गरिएका दुबै जनाको निःशुल्क गरिएको डा. खड्काले जानकारी दिए ।