इरानी सैन्य लक्ष्य विरुद्धको आक्रमण पूरा गरेको सेन्टकमको दाबी

संयुक्त राज्य अमेरिकाको सेन्ट्रल कमान्ड फोर्सले इरानी सैन्य लक्ष्य विरुद्धको आक्रमण पूरा गरेको जनाएको छ, जसमा हवाई रक्षा क्षेत्र, विस्फोटक पदार्थ भण्डारण स्थानका साथै सञ्चार क्षेत्र समावेश छन् ।

यद्यपि, इरानको विदेश मन्त्रालयका प्रवक्ता इस्माइल बाकाईले अमेरिकी आक्रमणले सिरिकमा भएको विवाह समारोहलाई पनि लक्षित गरी आक्रमण गर्दा ५० जना भन्दा बढी मानिस घाइते भएको बताउनुभएको छ । हर्मुजको जलमार्गमा व्यापारिक ढुवानी र अमेरिकी सैन्य सदस्य विरुद्ध आइआरजिसीले गरेको पछिल्लो आक्रमणपछि अमेरिकी आक्रमणले गति लिएको बताइएको छ ।