‘लाङटाङ-लिरुङ हिमाल उत्तरी मोहडामा दुई वर्षयता असामान्य गति थियो’

१७ भदौ, काठमाडौं । चीनको एक अनुसन्धान केन्द्रले लाङटाङ लिरुङ हिमालको उत्तरी मोहडामा रहेको हिमनदी पछिल्ला वर्षहरूमा असामान्य गतिमा सरिरहेको पत्ता लगाएको छ ।

बेइजिङस्थित चाइनिज एकेडेमी अफ साइन्सेज अन्तर्गतको इष्टिच्यूट अफ टिबेटियन प्लेटो रिसर्चले प्रकाशित गरेको संक्षिप्त अध्ययन प्रतिवेदनले पछिल्ला दुई वर्षहरूमा उत्तरी क्षेत्रको माथिल्लो र मध्य भागको हिमनदी तुलनात्मक रुपमा तीव्र गतिमा चलेको निष्कर्ष निकालेको हो ।