दुईवटा सैन्य कार्गो जहाजमा अमेरिकाबाट आइपुग्यो मिनी एक्स्काभेटर लगायतका उद्धार उपकरण

भोटेकोशी-त्रिशूलीको बाढीपछि उत्पन्न विपद व्यवस्थापनका लागि अमेरिकाले नेपाललाई सुरूङभित्र पठाउन मिल्ने साना एक्स्काभेटरसहित केही उपकरणहरू पठाएको छ।

अमेरिकाले दुईवटा सैन्य कार्गो जहाजमार्फत बुधबार नेपाल ल्याएका सामानमा दुईवटा मिनी एक्स्काभेटर सहित ५,००० वटा विपत पीडित उद्धार सामग्रीहरू छन्। यी सामग्री बाढी/पहिरोमा ज्यान गुमाएका वा बेपत्ता व्यक्तिको खोजी तथा उद्धारमाप्रयोग हुने विशेष सामग्री हुन्।