हेटौंडा कपडा उद्योग पुनः सञ्चालनको  प्रतिवेदन तयार, दुई महिनाभित्र सेनाले परीक्षण उत्पादन गर्ने

काठमाडौं । लामो समयदेखि बन्द भई पटक–पटक सञ्चालन गर्ने भनिएको तर सञ्चालन गर्न चासो नदिइएको हेटौंडा कपडा उद्योग अन्ततः सरकारले दीर्घकालीन रूपमा सञ्चालन गर्ने उद्देश्यसहित हाल परीक्षण उत्पादनका लागि आवश्यक कार्य सुरु गरेको छ ।

तत्काल परीक्षण उत्पादन गर्ने र थप रणनीतिक योजनासहित दीर्घकालीनरूपमा पूर्ण क्षमतामा उत्पादन गर्ने स्पष्ट कार्यदिशासहितको प्रतिवेदन उद्योग, वाणिज्य तथा आपूर्ति मन्त्री गौरीकुमारी यादवलाई अध्ययन कार्यदलले बुझाएको मन्त्रीको सचिवालयले जनाएको छ ।