मिडिया हाउसको गेट अगाडि पार्किङ गर्ने सबै चालक जरिवानापछि रिहा, ट्राफिकको सामान्य कारबाहीप्रति प्रश्न

काठमाडौं । कान्तिपुर, अनलाइनखबर र हिमालयन टेलिभिजनसहित विभिन्न स्थानमा आवागमन अवरुद्ध हुने गरी सवारीसाधन पार्किङ गर्ने चालकलाई काठमाडौं उपत्यका ट्राफिक प्रहरीले ट्राफिक नियमअनुसार जरिवाना गरेर छाडेको छ ।

काठमाडौं उपत्यका ट्राफिक प्रहरी कार्यालयका प्रवक्ता तथा प्रहरी उपरीक्षक नरेश राज सुवेदीका अनुसार सोमबार साँझसम्म मिडिया हाउसका कार्यालय अगाडि पार्क गरिएका सबै सवारीसाधनलाई नियन्त्रणमा लिएर आवश्यक सोधपुछपछि ट्राफिक नियमबमोजिम जरिवाना गरी छाडिएको हो ।