अमेरिकाको मेनमा आईसीई एजेन्टको गोली लागेर कोलम्बियाली नागरिकको मृत्यु

वाशिङट्न डीसी । अमेरिकाको मेन राज्यमा आप्रवासन तथा भन्सार प्रवर्तन निकाय (आईसीई)को कारबाहीका क्रममा एक कोलम्बियाली नागरिकको गोली लागेर मृत्यु भएको छ। टेक्सासमा गएको साता अर्को आप्रवासीमाथि घातक बल प्रयोग भएको घटनाको एक सातापछि यो घटना भएको हो।

आईसीईका अनुसार सोमबार बिहान स्थानीय समयअनुसार करिब ७ बजे मेन राज्यको बिड्डेफोर्डस्थित एक ठेगानामा अन्तिम निष्कासन आदेश जारी भएका व्यक्तिलाई निगरानी गरिरहेको थियो। सोही ठेगानाबाट एउटा सवारीसाधन बाहिरिएपछि एजेन्टहरूले रोक्ने प्रयास गरेका थिए।