साम्राज्यवादको घेराबन्दी र एसियाली प्रतिरोधको नयाँ सङ्कल्प

यसै महिना अर्थात् जुलाई १६ देखि १८, २०२६ मा दक्षिण एसियाली मुलुक श्रीलङ्काको राजधानी कोलम्बोमा साम्राज्यवादविरुद्ध एउटा ऐतिहासिक अन्तर्राष्ट्रिय वैचारिक बहस तथा सम्मेलन आयोजना हुँदै छ । ‘एसियाबाट हात झिक’ (ह्यान्डस् अफ एसिया) भन्ने मूल नाराका साथ आयोजना हुन गइरहेको यस सम्मेलनको मुख्य उद्देश्य एसियाली भूभागमाथि भइरहेको वैदेशिक हस्तक्षेप, नाजीवादी सैन्य रणनीति र गिद्धे नजरको भण्डाफोर गर्नु हो ।

उक्त सम्मेलनमा नेपाल कम्युनिस्ट पार्टीका संयोजक पुष्पकमल दाहाल ‘प्रचण्ड’ र श्रीलङ्काको सत्तारूढ दलका शीर्ष नेताहरूको विशेष उपस्थिति हुनेछ । एसियाली क्षेत्रका मजदुर, किसान, बुद्धिजीवी तथा महिला आन्दोलनका प्रतिनिधिहरूको व्यापक सहभागिताले एसियामा एउटा नयाँ क्रान्तिकारी जागरण र वर्गसङ्घर्षको बलियो आधार निर्माण गर्ने विश्वास लिइएको छ ।