अनिर्वाचित ‘नेपो किड्स’ले राज्य संयन्त्रलाई कब्जा गर्दैछन् – वर्षमान पुन

पूर्व अर्थमन्त्री वर्षमान पुनले देशमा निर्वाचित प्रतिनिधिमाथि 'नेपो किड्स'हरू हाबी भएको टिप्पणी गरेका छन्। प्रतिनिधि सभा सार्वजनिक लेखा समितिको बैठकमा बोल्दै सांसद पुनले सचिव र कर्मचारीहरू बोल्न नसक्ने अवस्थामा रहेको र सल्लाहकारका नाममा यस्ता नेपो किड्सहरूले अवैध सत्ता चलाइरहेको गम्भीर आरोप लगाएका हुन्।

विशेष गरी पासपोर्ट ठेक्का प्रकरणबारे छलफल गर्न बोलाइएको उक्त बैठकमा उनले प्रधानमन्त्रीको सचिवालयमा रहेका नेपो किड्सहरूले राज्य संयन्त्रको हुर्मत लिएको र यसरी संवैधानिक व्यवस्था भत्काउँदा अदालत तथा संवैधानिक निकायहरू समेत लाचार बनेको दाबी गरे।