बीपी कोइराला स्वास्थ्य विज्ञान प्रतिष्ठानको उपकुलपति प्राडा स्मृती कार्कीद्वारा पदभार ग्रहण

धरान- बीपी कोइराला स्वास्थ्य विज्ञान प्रतिष्ठान, धरानको उपकुलपतिमा नियुक्त प्रा.डा. स्मृती कार्कीले सोमबारदेखि प्रतिष्ठानमा हाजिर भई आफ्नो पदभार ग्रहण गरेकी छिन्।

प्रतिष्ठानका कुलपति एवं प्रधानमन्त्रीको गत असार २४ गतेको निर्णयानुसार डा. कार्कीलाई प्रतिष्ठान ऐन, २०४९ को दफा ११ ख (१) बमोजिम उपकुलपति पदमा नियुक्त गरिएको हो। उनी यसअघि प्रतिष्ठानकै प्याथोलोजी विभागको प्रमुख थिइन्।