मन्त्रालय संख्या घटाउने तयारीमा लुम्बिनी सरकार

मन्त्रालय संख्या घटाउने निर्णय गरेको लुम्बिनी प्रदेश सरकार आगामी आर्थिक वर्षदेखि कार्यान्वयन हुने गरी मन्त्रालय घटाउने तयारीमा लागेको छ, तर यो विषयमा ठोस पहल भने सरकारले गरिसकेको छैन।

लुम्बिनीको मन्त्रिपरिषद् बैठकले हाल कायम मन्त्रालय संख्या घटाउने निर्णय गरेको थियो। मन्त्रिपरिषद्को सोही निर्णयका आधारमा सरकारले आगामी आर्थिक वर्षको नीति तथा कार्यक्रममा समेत यो विषयलाई समावेश गरेको छ, तर केही दिनअघि बजेट पास गरेको सरकारले मन्त्रालय संख्या घटाएर कार्यान्वयन गर्ने विषयमा ठोस कदमको सुरुवात गर्न सकेको छैन।