प्रश्न गर्ने अधिकारमाथि प्रहार भइरहेको छ, सरकार निरंकुश बन्दै गइरहेको छ’ : निश्कल राई

नेपाली कांग्रेसका सांसद निश्कल राईले सरकारले लोकतान्त्रिक मूल्य–मान्यता विपरीत प्रश्न गर्ने अधिकारमाथि अंकुश लगाउन खोजेको आरोप लगाएका छन् । संघीय संसद्‌को बैठकमा बोल्दै उनले सरकार सत्ताको उन्मादमा निरंकुश बन्दै गएको दाबी गर्दै नागरिकका आवाज दबाउने प्रयास भइरहेको टिप्पणी गरे।

सांसद राईले भागवतको सातौं स्कन्धमा वर्णित हिरण्यकशिपु र प्रह्लादको प्रसंग उल्लेख गर्दै वर्तमान राजनीतिक अवस्थासँग तुलना गरे। हिरण्यकशिपुले आफूलाई सर्वशक्तिमान ठानी अरू कसैको पूजा गर्न नदिएको र सत्य बोल्ने आफ्नै छोरा प्रह्लादलाई दण्डित गर्न खोजेको प्रसंग स्मरण गराउँदै उनले प्रश्न गर्ने अधिकारमाथि प्रतिबन्ध लगाइनु लोकतान्त्रिक व्यवस्थाका लागि गम्भीर चिन्ताको विषय भएको बताए।