विपक्षीसँगै उठे अमरेशले भने- देश ठूलो दुर्घटनातिर जाँदै छ

प्रतिनिधि सभाको बैठकमा सत्तारुढ दल रास्वपाका सांसद अमरेशकुमार सिंहले सरकारको कामकारबाहीप्रति विरोध जनाएका छन्।

सभामुख डीपी अर्यालले बैठक सुरु गर्नासाथ विपक्षी सांसदहरूसँगै उभिएर विरोध जनाउँदै उनले देशमा जनतामाझ निराशा छाएको र राज्य संकटमा परेको बताए। उनले 'देशमा बाँच्न सकिन्न' भन्ने नकारात्मक भाष्य निर्माण नगर्न पनि सबैलाई आग्रह गरे। सांसद सिंहले संसदमा उपस्थित सम्पूर्ण राजनीतिक दलहरूलाई एकजुट भएर साझा राष्ट्रिय मुद्दाहरू तय गर्नसमेत आह्वान गरे।