कंगोमा रहेका अमेरिकी नागरिकको स्वदेश फिर्तीमा अमेरिकाले लगायो रोक

वाशिङटन डीसी । अमेरिकी राष्ट्रपति डोनाल्ड ट्रम्पको प्रशासनले इबोला संक्रमणको जोखिम बढेको भन्दै प्रजातान्त्रिक गणतन्त्र कंगोमा रहेका अमेरिकी नागरिकलाई तत्काल व्यावसायिक उडानमार्फत अमेरिका फर्किन रोक लगाएको छ ।

ह्वाइट हाउसका एक अधिकारीका अनुसार यातायातसम्बन्धी टाइटल ४९ कानुनी व्यवस्थाअन्तर्गत जारी गरिएको आदेशअनुसार कंगोमा रहेका वा हालै त्यहाँबाट बाहिरिएका अमेरिकी नागरिकलाई कम्तीमा २१ दिन तेस्रो मुलुकमा बसेपछि मात्र अमेरिका प्रवेश गर्न अनुमति दिइनेछ । त्यसअघिसम्म उनीहरूको नाम उडान निषेध सूचीमा राखिनेछ ।