विश्वविद्यालय तहमा छात्रवृत्ति विस्तार, १० प्रतिशत सिट अनिवार्य रूपमा छुट्याइने

काठमाडौं । त्रिभुवन विश्वविद्यालय (त्रिवि) सहित सात विश्वविद्यालयले आफ्ना आङ्गिक तथा सम्बन्धन प्राप्त क्याम्पसहरूमा न्यूनतम १० प्रतिशत विद्यार्थीलाई पूर्ण छात्रवृत्ति उपलब्ध गराउने व्यवस्था कार्यान्वयनका लागि प्रक्रिया अघि बढाएका छन् ।

सातै विश्वविद्यालयका उपकुलपतिहरूको संयुक्त पहलमा जारी सूचनाअनुसार शैक्षिक सत्र २०८३/८४ देखि विद्यार्थी भर्ना गर्दा विश्वविद्यालयबाट स्वीकृत कुल सिटमध्ये कम्तीमा १० प्रतिशत सिट जेहेन्दार, विपन्न तथा लक्षित वर्गका विद्यार्थीका लागि अनिवार्य रूपमा छुट्याउनुपर्नेछ ।