बीमा क्षेत्रको फड्को : ५१ प्रतिशत जनसंख्या बीमाको पहुँचमा, १० खर्ब रुपैयाँ नाघ्यो बीमा कोष

काठमाडौं- नेपाल बीमा प्राधिकरणले देशको बीमा पहुँच ५१ प्रतिशत नाघेको र बीमा क्षेत्रको कुल कोष १० खर्ब रुपैयाँभन्दा बढी पुगेको जनाएको छ।

अर्थ समितिको बैठकमा प्राधिकरणका कार्यकारी निर्देशक सुशीलदेव सुवेदीले हाल नेपालमा ३७ वटा बीमा कम्पनी सञ्चालनमा रहेको जानकारी दिए। जेठ मसान्तसम्म २ खर्ब २३ अर्ब रुपैयाँ बीमा शुल्क संकलन भएको र ६६ अर्ब रुपैयाँभन्दा बढी दाबी भुक्तानी गरिएको उनले बताए।