विवाह मण्डप र राम जानकी सङ्ग्रहालयमा ताला

जनकपुरधाम। जनकपुरधामको प्रसिद्ध जानकी मन्दिरमा रहेको रामजानकी विद्युतीय चलचित्र संग्रहालय र राम जानकी विवाह मण्डपमा ताला लगाइएको छ। मधेस प्रदेशका गृहमन्त्री फकिरा महतोले हिजो साँझ विवाह मण्डप र सङ्ग्रहालयमा काट्दै आएको टिकट खोसेर लगेपछि जानकी मन्दिरका व्यवस्थापन पक्षले ताला लगाएका हुन्।

मन्त्री महत्वले निःशुल्क रुपमा पर्यटकहरूलाई प्रवेश गर्न दिनुपर्ने भन्दै मन्दिर व्यवस्थापनले काट्दै आएको टिकट खोसेर लगेका थिए। त्यसपछि मन्दिर व्यवस्थापनले दुवै ठाउँमा ताला लगाएका छन्। ताला लगाइएपछि आउने पर्यटकहरू विना दर्शन फर्किने गरेका छन्। संग्रहालयमा १५ रुपैयाँ र १० भारतिय रूपैयाँ लिँदै आएको छ।